Guatemalako Las Poderosas Teatro konpainiak, Emakume Migratzaileen aldeko biraren baitan, 2025eko azaroaren 16tik 30era bitartean, Euskal Herriko zein Espainiar estatuko hainbat txokoetan emanaldiak eta liburu aurkezpenak eskainiko dituzte.

Ana Correa eta Ana Jacoboren zuzendaritzapean, antzerki komunitario eta feministaren nazioarteko erreferenteak, Nuestras Migraciones antzezlanaren eskutik, artea babesleku, salaketa eta itxaropen bilakatuko dituzte; bizipen eta istorio errealak oinarri indarkeria, pobrezia, bazterketa,
erresistentzia, elkartasuna eta itxaropen testuinguruetan emakumeen migrazioaren dimentsio anitzak aztertuko dituzte.
Las Poderosas antzezlana, aldiz, konpainiako lehen sorkuntza kolektiboa izaki, taldekideen testigantzak barne biltzen ditu, indarkeria matxistetatik bizirik ateratzearekin batera, beren historia ekintza eszeniko bihurtu zuten emakumeenak hain zuzen ere.

Eszenatokietatik harago, Las Poderosas ipuin ilustratua aurkeztuko dute, taldearen historia eta taldearen sorrerako antzerki-sorkuntzaren prozesu kolektiboa bertan elkarbanatuz.

Biran zeharreko ekintza ezberdinek, “Elkar ezagutzeko” gonbitea luzatzen dute. Une hauek aukera ezin hobea izango baitira antzerkia sendatzeko eta gizartea eraldatzeko tresna gisa erabiltzen duen proiektu artistiko eta gizatiar batekin topo egiteko. Haien obrek interpelatu, hunkitu eta kultura justizia eta erreparazio ekintza ere izan daitekeela gogorarazten digute.